(((( اي نوع من انواع الاطفال كنت ؟؟؟؟))))

من طرف **هجوره** 10/8/2008, 5:25 pm

--------------------------------------------------------------------------------

البريء ...

في المنزل تجده حبوووب وطبيعي 100 %
لكن مع دخوله المدرسة .. ( تنمحي ) شخصيته ..
فتكثر الاصابات في وجهه .. لأنه مايدافع عن نفسه ..

الطفل العنيد ...

يطبق نظام البيت بالعكس .. يسوي اللي براسه ..
مايخاف من الأب أو الأم .. لو قلت له هذا خطر لاتقربه .. عناد فيك يسويه ..
يُــضرب كثيراً في طفولته .. ومع ذلك عنيد مايغير رايه ..

الطفل الحنّـان ...

يستخدم وسيلة الحنة لتلبية رغباته
له نغمه خاصه في المنزل ..
تلبى رغباته كـُرهاً .. يعانون اهله من الصداع المستمر ..

الطفل المادي ...

هذا الطفل مايرد السلام الا ( بفلوس ) ..
تعامله مع اهل المنزل .. مادي بحت ..
يستخدمونه لتوصيل طلبات المنزل .. ونقل السوالف.. وكل شي بحسابه ..

الطفل الفتّــان ...

تجد عند هذا النوع جميع اخبار المنزل ..
يجد المتعه في اذلال غيره بالفتنه عليه .. ماله خاتمه ..
هذا الطفل حتى لو شريت سكوته بفلوس ..
توقع تلقى اخبارك ثاني يوم في الصفحه الرئيسية .. في الجريدة الرسمية ..

الطفل الدلوع ...

هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..
تلبى رغباته قبل ليطلبها .. شخصيته اتكاليه جداً ..

الطفل العله ...

يزعجك بأسئلته الي ماتنتهي .. يستفسر من كل شي .. حتى لو عطست ..
قالك شلون عطست .. وليش عطست .. وشلون تكونت العطسه ..
يحرجك احياناً .. ويمكن دائماً بأسئلته .. مره تجاوب عليه ومره تسفهه ..
واكثر الاوقات ماتلقى اجابه لاسئلته .. لانك في الحقيقه تجهلها

--------------------------------------------------------------------------------

من طرف **حورية البحر** 21/8/2008, 6:12 pm

لم اجد نوع طفولتي بين سطوركِ عزيزتي..

فأنا كنت طفلة هادئة نوعا ما
شاطرة بالدراسة study

ولساني طويييييييل اذا احد اذاني.. Embarassed

مشاركة مميزة .. يعطيك العافية..

(((( اي نوع من انواع الاطفال كنت ؟؟؟؟))))

(((( اي نوع من انواع الاطفال كنت ؟؟؟؟))))

رد: (((( اي نوع من انواع الاطفال كنت ؟؟؟؟))))