أصعب قرار خذيتا

من طرف **ولد بنغازى** 20/12/2008, 7:06 pm

أصعب قرار خذيتا
اللي بيك يربطني خلاص انسيتا

خذيت قرار
لا يشملا نقاش لا حوار
ولا عليه انلوم لا اعتذار
انريد منا لا سلام ان جيتا

نادم وراه المشيتي مشوار
وبيدي رفعتا في السما عليتا

واجمل قصائد قالهن نزار
اسلوبا عجبني ع العزيز قريتا

وقتله الجنة اتريد والله نار
ادلل وقول تريد اين ميتا

يا صدر دافي يا كتاب اشعار
خايف تركتا والخيار عطيتا

وزيدني اجنون وعشق فيه امرار
وكنك قتلت القلب راك حييتا

جميع ما بنيتا في غلاه انهار
وكيف ما نوالي ع الفراق نويتا

اليوم علي عواطف نفرضا حصار
حتي وكان قلبي معترض حسيتا

القيتا ضروري ما هناك خيار
يمارس العقل امعاه دكتوريتا

لاجل سوايا م العزيز اكبار
ولاجل عزا ماعاد فيه القيتا

ولاجل حملتا في ياما دار
ولاجل عزيز امعاي سودا نيتا

كمين لفت نظر له وانذار
القيت فصلتا م القلب حل قضيتا

قرار وجاير
لكن عزيز امعاي يامو داير

دورت واجد مالقيت دباير
كم عيب قابل والنظر واطيتا

صابر انمشي في العزيز انساير
وحامل خطاه وفيه ما عابيتا

مرة انقول امغير عقله فاير
ومرة انقول العيب في القيتا

غالي علي وما نريد خساير
علي قيس ما نقدر خطاه كميتا

امغير نا انصبح والعزيز ايعاير
وانشد سلكه ما نشد رخيتا

راحل وراه ولا نزل لا طاير
بين السما والارض باني بيته

للشاعر / بالقاسم السحاتي